الباذنجان والريجيم

احدى الصديقات قامت بعمل منشن على منشور مشروب الباذنجان لتخفيف الوزن والله وكيلكم اغلب المعلقين حاطين تم ..
على شو تم وانت ياللي نزلت المنشور متاكد من المعلومه انه يذيب دهون البطن اعطيني اشي علمي الشغله مش مجرد كوبي بيست.
لا شك انه الباذنجان من الخضار المفيده والصحيه يتضمن عدة فيتامينات(B1)(B3)(B6)(C)(K) مع معادن المغنيسيوم والفوسفور والنحاس والبوتاسيوم والمنغنيز وحمض الفوليك وكمية كبيرة من الألياف الغذائيه.

طيب شو بعمل الباذنجان بالجسم؟؟؟
ان تم تناوله كطعام فهو ملين للمعده لوجود الياف غذائيه كما وتساعد هذه الالياف على الشعور بالشبع لانها تحتاج لفتره حتى يتم هضمها بالمعده اما عصير الباذنجان يعمل كمدر بول فيخلص الجسم من السوائل وليس من الدهون.
لا تفكروا انه الباذنجان يعمل على امتصاص الدهون مثل لما نقليه حيث يمتص الزيت الموجود بمقلى الزيت لاااا.
فدهون الجسم مش ماده سائله كزيت القلي ولا بنزل الباذنجان للمعده قطعه صامده ليمتص الدهون بنزل كطعام ممضوغ وكيف رح يمتص الدهون ليش هو اسفنجه..
وللعلم…. بس تتركها رح يرجع جسمك مثل اول ورح يزيد لتعويض كمية السوائل التي فقدتها.
وسلامتكم