مشكلة الركاب بالباصات
الصورة تعبيرية
مصطفى يحيى العبدالعزيز الزعبي
انا بحكي معك من كندا
هاي المشكلة بتعاني منها بناتنا واخواتنا يوميا
باصات الرمثا اربد
تحميل الركاب الزيادة
مابدي احكيلك عن ضرر الركاب وايش ممكن يصير لو صار حادث لا سمح الله
بدي احكيلك عن البنات
البنات بكونوا قاعدات طبا كل ٣ بكرسي والشباب واقفين جنبهم وفي شباب ما يستحوا بصير يلاصق جسمه بجسمها بحجة انه واقف ووقع عليها والبنت الي بدها تنزل الف واحد بنكشها وهي نازله
والله عيب من متى كانت هيك تصرفات بمجتمع الرمثا المحافظ
كله ليش
عشان الشوفير يلم بالمصاري والله عيب وحرام كمان
هذا الحكي بكندا احنا عندنا نظام مافي زيه بكل العالم .. الباصات تتحرك بمواعيد محدده … مافي زياده بالركاب .. ومابحمل ع الطريق وفي خدمة الويرلس والواي فاي والهدفون والمقاعد مريحه جدا وفي مقاعد مخصصه لكبار السن وبالاضافة لفقرات ترفيهية طوال رحلتك من الرمثا الى اربد كما انه لدينا سبكة طرق خاليه من الحفر والمطبات وكأنك راكب طياره … الزبده انه الاردن حكومه وشعب مافي احلى من هيك
بنسبى للخ المحترم سوالفه مش صحيحة اصلا مافي ركاب
السلام عليكم ورحمة الله وبركاته
انتقادات الباصات كثير مش بس الي حكاها الأخ
الكراسي الخلفية بينها كرسي متحرك وبقعدوا فيها خمس ركاب واجباري وإذا اعترضت بتعلق بالكونترول وإذا كنت بآخر كرسي وبدك تنزل لازم كل الباص ينزل حتى يفتحوا طريق هذا غير أنه بعضهم بكفر وبغلط
يقوم الكنترول المحترم بترتيب الركاب مخاطبا ياابوالشباب ارجعلي خلفي ..ياصبية اقعدي ثالثة مع الصبايا.. وطول الطريق نزل الصبية وطلع الصبية ..عدا عن الوردة الحمرا بايده والخلوي والفراطة وباكيت الدخان والقداحة وكاس القهوة الدبل وتجوله بين الركاب عالفاضي والمليان وحركات قرعة ونظرات سرسره من تحت لتحت … يعني عارفين كل شي بيصير بالباصات
بنسبى للباصات الرمثا اربد قال بحكي من كندا انت شايف عارف متكد كمان من هذا الحكي ول… اني كل يوم بطلع معهم بلعكس البنات الي بدهن يركبن ازياده عشان يلحقن وشفير مابجبر حدا حبيبي