الرمثا نت | Alramtha.net عنواننا الصدق في نشر الخبر
الرمثانت
تخيل توقع من تختك وتصحى من نومك
تلاقي حالك ببيتك اللي تهجرت منو وتهدم
ويقلولك اهلك خير فيك شي؟
صحّ النوم … الظاهر كنت عم تشوف كابوس
وتركض تشوف الروزنامه مكتوب 2010
وتلاقي اخوك اللي استشهد لساتو نايم بالبيت💔
وامك عم تعمل الفطور
و ابوك عم يقلك خود هي 100 ليرة ، جيب شوية فول و مسبحة و كم قرص فلافل و معهن مخلل و كم جرزة نعناع
وتركض عالبرندا بدك تشوف حارتك المدمرة تفتح باب البرندا ..
جدك قاعد عالكرسي عم يشرب قهوتو متل العادة بيقلك اهلين جدو في شي … انت مابترد من لهفتك ومفاجئتك …
و تسمع صوت بياع الغاز عم ينادي غاز غاز
و يمر طنبر المازوت بمكبر الصوت المميز .. مازوت مازوووووت
بتعمل نظرة عالشارع مقابل بيتكن بتلاقي كلشي متل ماكان الجيران والناس والاولاد بالطريق عم يلعبوا
وابو محمود الدكنجي عم يقول روحوا العبوا بعيد احسن ماشقلكن الطابة …
و تمر ع فرن الخبز .. بتلاقيه فاضي و الخبز مكوم
بتاخد قد ما بدك و تمشي …
و بتحس حالك عطشان بتشرب كاظوظة بعشر ليرات مع شلمونة
و بتنئرش كيس ديربي ب خمس ليرات
و بتطلع ع جامعتك بالسرفيس ب خمس ليرات
و بترجع بخمسة …
و بدرب طريقك بتجيب الاغراض يلي كتبهن ابوك
رائعة، الله يرجع دياركوا عامرة ويفك كربة كل مهموم.